Дар доираи сафари расмӣ ба Ӯзбекистон Сарвазири Гурҷистон Ираклий Кобахидзе ҳамроҳ бо Сарвазири Ӯзбекистон Абдулла Арипов боғи «Янги Ӯзбекистон»-ро боздид намуда, ба Муҷассамаи Истиқлолият гулчанбар гузошт.
Ба ҳайати Гурҷистон таҳти роҳбарии меҳмони воломақом оид ба ҳалли меъмории маҷмаа, маънои муҳтавои он ва хусусиятҳои таркибиаш маълумоти муфассал пешниҳод карда шуд. Маҷмааи муҳташами монументалӣ ба ҳайат таассуроти амиқ гузошт.
Бояд қайд кард, ки шиносоӣ бо ин ансамбли бошукӯҳ, ки бо ташаббуси Президенти Ӯзбекистон Шавкат Мирзиёев бунёд шудааст, барои меҳмонони воломақом ва ҳайатҳои расмие, ки ба кишварамон меоянд, ба як анъана табдил ёфтааст.
Дар доираи Форуми байналмилалии «Нафт ва гази Ӯзбекистон», ки дар шаҳри Тошканд баргузор мешавад, Сарвазири Ҷумҳурии Ӯзбекистон Абдулла Арипов бо директори генералии ширкати «China Energy Engineering Corporation» (CEEC) Ни Ҷжен мулоқот анҷом дод.
11 май дар Теҳрон форуми тиҷоратии Ӯзбекистон ва Эрон баргузор шуд. Дар маросими ифтитоҳи он Сарвазири Ҷумҳурии Ӯзбекистон Абдулло Арипов ва муовини аввали президенти Ҷумҳурии Исломии Эрон Муҳаммад Ризо Ориф сухан карданд.
