“Citigroup” дар соҳаи хизматрасониҳои бонкӣ, сармоягузорӣ ва молиявӣ фаъолият мебарад. Арзиши бозории он зиёда аз 100 миллиард доллари ИМА-ро ташкил медиҳад ва ширкат дороиҳое бо арзиши умумии беш аз 2,3 триллион доллари ИМА-ро идора мекунад.
Дар мулоқот бо қаноатмандӣ қайд карда шуд, ки ҳамкорӣ бо корпоратсия босуръат рушд меёбад. Бо дастгирии “Citigroup” бонкҳо ва корхонаҳои давлатӣ аз Ӯзбекистон тавонистанд муваффақона вомбаргҳои худро дар бозорҳои байналмилалӣ ҷойгир кунанд. Дар шаҳри Тошканд дафтари намояндагии ширкат ифтитоҳ гардид.
Ба масъалаҳои таҳия ва бастани созишномаҳои IPO барои корхонаҳои бузурги давлатӣ, барориши еврооблигацияҳо, баланд бардоштани рейтинги кишвар, пешниҳод намудани кӯмаки машваратӣ, таҳияи ҳалли молиявӣ ва ҷорӣ кардани воситаҳои нави маблағгузории савдо таваҷҷуҳи махсус дода шуд.
Ҷонибҳо оид ба таҳияи “харитаи роҳ” барои густариши ҳамкории мутақобилан судманд ба мувофиқа расиданд.
