Дар табрикнома махсус таъкид гардид, ки дар натиҷаи ислоҳоте, ки солҳои охир дар фаъолияти мақомоти прокуратура амалӣ шуданд, онҳо ба мардум наздик гардида, ба низоме табдил ёфтанд, ки ҳифзи шаъну эътибори инсон, ҳуқуқу озодиҳо ва манфиатҳои қонунии шаҳрвандонро бевосита дар маҳалҳо таъмин мекунад.
Аз ҷумла, дар соли гузашта ҳуқуқҳои поймолшудаи тақрибан 512 ҳазор шаҳрванд барқарор гардида, беш аз 54 ҳазор муроҷиат мусбат баррасӣ шуд, ки аз онҳо тақрибан 29 ҳазор масъалаи соҳибкоронро дар бар мегирад. Ин нишон медиҳад, ки фаъолияти мақомоти прокуратура самаранок мебошад.
Дар натиҷаи корҳои муназзами пешгирии ҷинояткорӣ дар маҳаллаҳо шумораи ҳудудҳое, ки ба гурӯҳи вазнин мансуб буданд, қариб 1,5 маротиба коҳиш ёфт. Дар доираи мубориза бо ҷиноятҳои иқтисодӣ ҳазорон ҳуқуқвайронкунӣ пешгирӣ гардида, зарари назаррасе, ки ба манфиатҳои давлат ва ҷомеа расонида шуда буд, ҷуброн карда шуд.
Дар табрики Президенти кишвар махсус таъкид гардид, ки рақамикунонӣ, муқовимат бо ҷиноятҳои киберӣ, ҷорӣ намудани технологияҳои муосир дар раванди тафтишот, инчунин боз ҳам тақвият додани ошкорбаёнӣ ва шаффофият вазифаҳои муҳим мебошанд. Зикр шуд, ки кормандони мақомоти прокуратура бояд рамзи волоияти қонун ва адолат бошанд ва боварии мардумро сазовор гарданд.
Дар табрики худ Сарвари давлат ба кормандони мақомоти прокуратура дар хизмати масъулона ва пуршарафи онҳо муваффақиятҳои калон орзу намуд.
Ба қарибӣ бо Фармони Президенти Ҷумҳурии Ӯзбекистон гурӯҳе аз кормандони мақомоти прокуратура бо орденҳо ва медалҳо сарфароз гардонида шуданд. Дар чорабинии имрӯза муовини роҳбари Администратсияи Президент Нодира Ҳакимова ин мукофотҳои олиро супурд.
