Ташкилкунандагони ин чорабинӣ Ассамблеяи байнипарлумонии ИДМ ва Шӯрои Ҷогорку Кенеши Ҷумҳурии Қирғизистон мебошанд. Дар ин ҳамоиш хонандагони мактабҳои Арманистон, Беларус, Қазоқистон, Қирғизистон, Русия, Тоҷикистон ва Ӯзбекистон ширкат мекунанд, хабар медиҳад дафтари матбуоти Кумитаи иҷроияи ИДМ.
Ҳар як ҳайати вакилон аз расму оинҳои миллии кишвари худ муаррифӣ хоҳад кард. Дар байни чорабиниҳое, ки кӯдаконро интизоранд, намоишгоҳҳо, дарсҳои маҳорат, мусобиқаҳои варзишӣ, бозиҳои зеҳнӣ, тренингҳои таълимӣ, озмунҳои мусиқӣ, шабҳои ҳунарӣ ва ғайра мебошанд.
«Мақсади асосии лоиҳа тарбияи кӯдакон дар рӯҳияи неки ҳамсоягӣ ва дӯстӣ мебошад. Бачаҳо дар бораи кишварҳои Иттиҳоди Давлатҳои Мустақил бисёр чизҳои навро меомӯзанд, онҳо таассуроти равшан ва шодии дӯстони ҳақиқӣ интизор аст”, -- гуфт Котиби генералии Шӯрои АБП ИДМ Дмитрий Кобитский.
Барои маълумот: Анҷумани байналмилалии фарҳангӣ ва маърифатии «Кӯдакони Иттиҳод» бо ибтикори Ҷокоргу Кенеши Ҷумҳурии Қирғизистон, ки аз ҷониби Ассамблеяи байнипарлумонии ИДМ дастгирӣ ёфтааст, барпо гардид. Нахустин форум соли 2013 дар Чӯлпон-ота баргузор шуда буд. Соли 2021 он бори аввал берун аз ҳудуди Қирғизистон - дар Санкт-Петербург баргузор шуд. Соли 2023 форум дар Ӯзбекистон, дар лагери кӯдаконаи саломатии "Семурғ" баргузор шуд. Дар давоми мавҷудияти он дар маҷмӯъ беш аз 700 нафар мактаббачагон ширкат варзиданд.
