Дар маросим намояндагони расмии Федератсияи умумиҷаҳонии таэквондо (World Taekwondo), инчунин намояндагони Иттиҳоди ҷаҳонии мубориза (UWW) ва роҳбарияти соҳаи варзиши Ӯзбекистон ширкат доштанд.
Муовини якуми раиси Кумитаи миллии олимпии Ӯзбекистон Отабек Умаров таъкид намуд, ки ин мусобиқа ҳамчун аввалин чемпионати ҷаҳон дар шаҳраки олимпӣ ба таърих ворид хоҳад шуд.
Чемпионат аз 12 то 17 апрел идома меёбад. Баъди маросими ифтитоҳ, рақобатҳои финалии рӯзи аввал баргузор шуданд.
Аллакай дар рӯзи аввал тими Ӯзбекистон аввалин медали худро ба даст овард. Варзишгари мо Алишер Пак дар вазни зиёда аз 78 кг ба финал баромада, аз намояндаи Кореяи Ҷанубӣ шикаст хӯрда, соҳиби медали нуқра гардид.
Ҳамин тавр, чемпионати ҷаҳон дар Тошканд барои Ӯзбекистон бо медали аввал ва маросими бошукӯҳ оғоз ёфт.
