Тибқи қарор, Консепсияи рушди системаи нақлиётӣ-логистикии Ӯзбекистон то соли 2030 ва «Харитаи роҳ» барои татбиқи он тасдиқ гардиданд.
Нишондиҳандаҳои асосии мақсаднок ва индикаторҳо муқаррар шудаанд, аз ҷумла инҳоро пешбинӣ менамоянд:
ду баробар зиёд кардани ҳаҷми умумии боркашонии байналмилалӣ тавассути нақлиёти автомобилӣ, роҳи оҳан ва ҳавоӣ;
ду баробар зиёд кардани содироти хизматрасониҳои нақлиётӣ ва логистикӣ;
1,5 баробар зиёд кардани ҳиссаи боркашониҳои контейнерӣ;
беҳтар намудани ҷойгоҳи Ӯзбекистон дар Индекси самаранокии логистикаи Бонки ҷаҳонӣ то сатҳи на камтар аз 55-ум.
Дар ташкили боркашониҳои байналмилалӣ ба хизматрасониҳои нақлиётиву экспедитсионӣ меъёри сифри андоз аз арзиши иловашуда татбиқ мешавад.
Аз 1 июни соли 2025 дар гузаргоҳҳои автомобилӣ дар сарҳадҳои давлатӣ низоми навбатгирии электронии воситаҳои нақлиёт ҷорӣ мешавад.
Бо ҳамкории Иттиҳоди байналмилалии нақлиёти автомобилӣ Маркази минтақавии омӯзишӣ оид ба тайёрӣ ва баланд бардоштани савияи касбии кадрҳо дар соҳаи нақлиёти байналмилалии автомобилӣ таъсис дода мешавад.
Дар канори роҳҳои умумии истифодаи автомобилӣ иншооти хизматрасонии канори роҳ ("Service area" ва "Service point") сохта мешаванд.
