Дар оғози сӯҳбат сарвари Туркия сарвари давлати мо ва мардуми сермиллати Ӯзбекистонро бо 30-юмин солгарди истиқлолияти кишвар гарму ҷӯшон табрик намуд. Вай аз номи халқи дӯсти турк таманнои самимии сулҳ, некӯаҳволӣ ва шукуфоӣ дар сарзамини Ӯзбекистонро расонд.
Президентҳо оид ба масъалаҳои рӯзномаи дуҷониба мубодилаи афкор намуданд.
Ду баробар афзудани нишондиҳандаҳои тиҷорати мутақобила ва таъсиси беш аз 240 корхонаи муштарак аз аввали сол бо қаноатмандӣ қайд карда шуд.
Ҳамкории ширкатҳои пешсафи кишварҳоямон тақвият меёбад, аз ҷумла, лоиҳаҳои муҳими сармоягузорӣ дар соҳаҳои энергетика, саноат, кишоварзӣ, инфрасохтор, сайёҳӣ ва дигар амалӣ карда мешаванд.
Барномаҳои муштараки таълимӣ, фарҳангию башардӯстона бомуваффақият амалӣ мешаванд. Ҳамин тавр, дар моҳи августи соли равон мутахассисони пешбари турк ба донишкадаҳои меъморӣ ва сохтмонии Тошканд ва Самарқанд роҳбарӣ карданд.
Роҳбарон ҷадвали чорабиниҳои дарпешистодаро дар сатҳи олӣ, аз ҷумла масъалаҳои омодагӣ ба ҷаласаи навбатии Шӯрои ҳамкории стратегиро баррасӣ карданд.
Таваҷҷӯҳи махсус ба рушди вазъи минтақа дар заминаи шиддат ёфтани вазъи низомию сиёсии Афғонистон дода шуд. Муҳимияти идомаи равобит ва муколамаи бисёрҷониба оид ба масъалаҳои таъмини амният ва субот дар минтақа қайд гардид.
