Дар рафти вохӯрӣ раванди татбиқи созишномаҳое, ки дар натиҷаи сафари давлатии Президенти Ҷумҳурии Ӯзбекистон Ш.М. Мирзиёев ба Тоҷикистон моҳи апрели соли ҷорӣ ба даст омаданд, баррасӣ шуданд.

Масъалаҳои бунёди неругоҳи барқи обӣ дар рӯдхонаи Зарафшон, инчунин фаъолсозии минбаъдаи фаъолияти ширкати муштараки сармоягузории Ӯзбекистону Тоҷикистон ба таври ҷудогона баррасӣ шуданд. Дар ин замина ҷонибҳо дар бораи як қатор самтҳои афзалиятноки татбиқи муштараки лоиҳаҳо бо истифода аз маблағҳои Фонд ба мувофиқа расиданд.

Аз рӯи натиҷаҳои музокирот формати ҳамкории зич дар доираи татбиқи босуръати лоиҳаҳо ва ташаббусҳои баррасишуда таҳия гардид.