Дар хабар таъкид мешавад, ки ин мусобиқа пас аз Ҷоми ҷаҳонии дастаҳои миллии ФИФА, дуюмин мусобиқаи бонуфузи байналмилалӣ ба ҳисоб меравад.
Солҳои охир мамлакатамон ба аксар мусобиқаҳои бузурги байналмилалӣ мизбонӣ намуда, таҷрибаи зиёд ба даст овард. Бахусус, соли 2024 дар сатҳи баланд ташкил гардидани Ҷоми ҷаҳонии футзали ФИФА дар кишвар, аз ҷониби ҷомеаи байналмилалии футбол эътироф гардид. Баргузории чунин мусобиқаҳо барои таҷрибаи кофӣ ва иқтидор пайдо намудани мутахассисони ӯзбекистонӣ дар ташкил ва идораи мусобиқаҳои сатҳи ҷаҳонӣ имкон фароҳам меоварад.
Соли 2027, футболбозони ҷавони боистеъдоди ҷаҳон барои иштирок дар Ҷоми ҷаҳонии ФИФА миёни ҷавонон дар Ӯзбекистон ва Озарбойҷон ҷамъ меоянд. Ватани маҳбуби мо мисли ҳамеша омода аст, то боз ҳам бо меҳмоннавозӣ, муносибати касбӣ, садоқат ба футбол ва албатта, муҳаббати мухлисон диққати тамоми ҷаҳонро ба худ ҷалб кунад.
