Тарафҳо самтҳои барои ҳарду ҷониб фоиданоки ҳамкориро дар соҳаи кишоварзӣ муайян карда, масъалаҳои рушди истеҳсоли гӯшт ва маҳсулоти ширӣ, парандапарварӣ, боғдорӣ, саноати коркард ва такмили низоми логистикаро ба таври муфассал баррасӣ намуданд. Ҳамчунин зарурати таҳкими механизмҳои ҳамкорӣ дар самти афзоиши ҳаҷми воридот ва содироти мутақобила, баланд бардоштани сифат ва стандартсозии маҳсулот таъкид шуд.
Дар рафти мулоқот пешниҳодҳо оид ба тавсеаи мубодилаи илмӣ ва технологӣ байни муассисаҳои таҳқиқотии ду кишвар, ҷорӣ намудани технологияҳои инноватсионӣ дар соҳаи чорводорӣ ва густариши ҳамкорӣ дар самти омодасозӣ ва такмили ихтисоси кадрҳо иброз гардид.
Тарафҳо аҳамияти ба сатҳи нав баровардани ҳамкории Ӯзбекистон ва Қазоқистон дар соҳаи кишоварзӣ, истифодаи самараноки имкониятҳои мавҷуда ва ҳамкории муштарак барои таъмини амнияти озуқавории минтақавиро таъкид карданд.
