16 апрелии соли ҷорӣ вазири сармояҳо, саноат ва савдои Ҷумҳурии Ўзбекистон Лазиз Қудратов бо ҳайати Аморати Муттаҳидаи Араб таҳти роҳбарии вазири энергетика ва инфрасохтори ин кишвар Суҳайл Муҳаммад ал-Мазруӣ мулоқот анҷом дод.
Ҷанбаҳои амалии татбиқи лоиҳаҳои муштараки ҷорӣ ва самтҳои асосии рушди минбаъдаи ҳамкориҳои сармоягузории ду кишвар баррасӣ шуданд.
Аз рӯи натиҷаҳои чорабинӣ ҷонибҳо формати ҳамкории минбаъдаро таҳия намуданд. Марҳилаҳои асосии корҳои муштарак дар соҳаҳои энергетика, саноати сабук ва маъдан, мошинсозӣ, истеҳсоли маҳсулоти электротехникӣ, кишоварзӣ, маориф, нақлиёт ва логистика, инчунин беҳбуди инфрасохтор дар минтақаҳо мувофиқа карда шуданд.
Бо даъвати Президенти Аморати Муттаҳидаи Араб Шайх Муҳаммад Ол Наҳаён Президенти Ҷумҳурии Ӯзбекистон Шавкат Мирзиёев бо сафари расмӣ дар шаҳри Абӯ Дабӣ қарор дорад.
2 декабри соли 2024, муовини аввали вазири корҳои хориҷӣ Баҳромҷон Аълоев сафири Аморати Муттаҳидаи Араб дар Ҷумҳурии Ӯзбекистон Саид Матар Ал-Кемзиро қабул кард.
Дар доираи конфронси COP-29, ки дар шаҳри Боку, Озарбойҷон баргузор мешавад, миёни Вазорати энергетикаи Ӯзбекистон ва ширкати «Masdar» аз Амороти Муттаҳидаи Араб шартнома барои татбиқи лоиҳаи сохтмони неругоҳи барқии бодӣ бо иқтидори 1000 МВт дар ноҳияи Учқудуки вилояти Навоӣ ба имзо расид.
Маркази тамаддуни исломӣ (МТИ) дар Ӯзбекистон оиди ҳамкорӣ бо маркази "Манара" аз Амороти Муттаҳидаи Араб, ки ба мубориза бо таҳаммулнопазирӣ ва таблиғи таҳаммулпазирӣ машғул аст, ба мувофиқа расид.
