Дар густариши робитаҳои судманд ҳамкориҳои Донишгоҳи Daegu Haany (DHU) Кореяи Ҷанубӣ ва Донишкадаи давлатии тиббии Бухоро аҳамияти калон дорад. Кӯшишҳо оид ба табодули дониш ва таҷриба дар заминаи дуҷониба имкон медиҳад, ки иқтидори мавҷуда боз ҳам афзун гардад, хабар медиҳад АИ «Дунё».

Мувофиқи созишномаи дарамал оид ба рушди минбаъдаи тибби халқӣ корҳои пуршиддат ба роҳ монда шуда, бо ин мақсад бунёди гармхонаҳои «оқил» дар ҳудуди Донишкадаи давлатии тиббии Бухоро барои рӯёндани растаниҳои доруворӣ амалӣ мешаванд, татбиқи кластер ва лоиҳаи истеҳсоли маводи доруворӣ ва косметика идома дорад.

Таъкид кардан ҷоиз аст, ки донишгоҳи Куриёи Ҷанубӣ ҳамкориро бо Донишкадаи давлатии тиббии Бухоро барои созмон додани истеҳсолоти илмию тадқиқотӣ дар асоси тибби халқӣ, омӯзиши ҷавонони ӯзбекистонӣ дар соҳаи дорусозӣ дар асоси тибби халқӣ васеъ гардонда, кушодани Донишгоҳи ба номи шоҳ Сеҷонги Куриёро ба нақша гирифтааст.

Зимни мулоқот ба равобити ду кишвар баҳои баланд дода, оид ба вазифаҳо дар доираи лоиҳаи мазкур, инчунин самтҳое, ки дар оянда дар ҳамкорӣ бо донишгоҳ амалӣ карда мешаванд, табодули назар карда шуд.

Ботир Зарипов меҳмононро аз сафарашон ба Бухоро хайрамақдам гуфта, қайд кард, ки лоиҳаи татбиқшаванда ҳамкориҳои вилояти Бухоро ва музофоти Кёнсан-Пукдоро ба марҳалаи нав мебарорад ва аз ин рӯ, барои рушди намояндагони соҳибкории ду минтақа муҳим аст.

«Ин лоиҳа яке аз қадамҳои мо дар роҳи бунёди давраи нави саноатӣ дар вилояти Бухоро мебошад», – гуфт раиси вилоят. – Итминон дорам, ки дар якҷоягӣ бо шариконамон боз бисёр лоиҳаҳои азимеро, ки дар оянда ба рушди иқтисодиёти мо ва таҳкими рақобатпазирии он саҳми бузург мегузоранд, бомуваффақият амалӣ хоҳем кард. Ин натиҷаи амалии ислоҳоти бузурги мо дар соҳаи дорусозӣ дар ду соли охир ва далели равшани афзоиши эътимоди сармоягузорон ба кишвари мост”.

Дар рафти суҳбат Ким Хак Хонг ба ҳокими вилоят барои истиқболи самимӣ ва ҳамкорӣ миннатдорӣ баён кард. Вай ҳамчунин қайд кард, ки ба шарофати лоиҳаи ҷорӣ ҳамкориҳо густариш ёфта, ибтикори судманд дар рушди соҳаи тибби мардумӣ натиҷаҳои назаррас хоҳад дод.

Дар поёни мулоқот миёни ҷонибҳо Ёддошти тафоҳум ба имзо расид.