Дар намоишгоҳ Маркази байналмилалии стандартикунонӣ ва сертификатонии “Ҳалол”-и назди Идораи динии мусулмонони Федератсияи Русия ширкат варзида, девораи дастаҷамъии шариконро бо экспозитсияи “Halal Eurasia at Prodexpo” муаррифӣ мекунад. Тибқи анъана, Маркази байналмилалии стандартикунонӣ ва сертификатонии “Ҳалол” созмондиҳандаи асосии Конгресси байналмилалии “Ҳалол”, ки бори 12-ум дар пойтахти Русия баргузор мешавад, хоҳад шуд.
Рӯзи 7 феврал Конгресси XII байналмилалии “Ҳалол” дар мавзӯи «Стандартикунонӣ ва сертификатонӣ ҳамчун рушди босамари саноати “Ҳалол”» баргузор мешавад. Дар конгресс намояндагони Вазорати хоҷагии қишлоқи Федератсияи Русия; Вазорати рушди иқтисодӣ; Агентии федералии танзими техникӣ ва метрология; Хидмати федералии аккредитатсия; сафоратхонаҳои кишварҳои мусулмонӣ; институтҳои тадқиқоти илмӣ; тиҷоратӣ, ташкилотҳои махсуси Қазоқистон ва Ӯзбекистон ба сифати маърузачиён иштирок мекунанд.
Онҳо дар сессияҳои: «Таҷрибаи амалии шарикони МБСС «Ҳалол»; «Ҳамкории мутақобила дар рушди саноати «Ҳалол»; Стандартикунонӣ ва сертификатсияи «Ҳалол» дар кишварҳои ИДМ баромад мекунанд. Аз номи МБСС «Ҳалол» директор Айдар Ғазизов ва мутахассисони марказ баромад мекунанд.
Бино ба иттилои дафтари матбуоти Идораи мусулмонони Ӯзбекистон бо истинод ба Идораи динии мусулмонони Федератсияи Русия, дар поёни Конгресс сарфарозгардонии ғолибони озмуни “Беҳтарин маҳсулоти «Ҳалол» -2022” дар назар аст.
Барои маълумот: "Продэкспо" — бузургтарин намоишгоҳи байналмилалии ғизо ва нӯшокиҳо дар Русия ва Аврупои Шарқӣ мебошад. Дар намоишгоҳ ғизо аз тамоми ҷаҳон намоиш дода мешавад.
