Бо мақсади ба таври васеъ тарғиб намудани иқтидори туристии кишварамон, инчунин намоиши фарҳанги ғании халқи ӯзбек Сафоратхонаи Ӯзбекистон дар Сеул ва намояндагии Агентии муҳоҷирати меҳнати хориҷӣ дар Кванҷу дар қатори ташкилкунандагони чорабинии мазкур иштирок карданд, хабар медиҳад АИ “Дунё”.
Зиёда аз 150 нафар ҳамватанони мо, ки дар муколамаи байнифарҳангӣ низ ширкат варзиданд, барномаи ҷолиби рақсу сурудҳои миллии ӯзбекиро пешкаши тамошобинон намуданд. Баромадҳои онҳо дар фестивал сазовори ҷойи ҷоизавӣ гардид.
Ошпазони моҳири ӯзбек ба иштирокчиёни фестивал таомҳои анъанавӣ – оши палав, кабоб, сомса ва дигар таомҳои миллӣ пешкаш намуданд.
Як қатор ҳамватанони мо, ки дар ҷомеаи Корея фаъол ҳастанд, бо диплом ва туҳфаҳои қиматбаҳои шаҳрдории Ёджу ва Маркази дастгирии шаҳрвандони хориҷӣ сарфароз гардонида шуданд.
Дар доираи фестивал намояндагони Сафорати кишвари мо бо мири шаҳри Ёдҷу Ли Чонг Ву мулоқоти алоҳида доир намуданд. Ба ҷониби Корея дар бораи дигаргуниҳои мусбат дар Ӯзбекистон дар соҳаҳои сиёсӣ, иқтисодӣ, фарҳангӣ ва дигар соҳаҳо маълумот дода шуд.
