Сокини ноҳияи Сирдарёи вилояти Сирдарё, соҳибкори хусусӣ, ки соли таваллудаш 1973 аст, ваъда додааст, ки 290 гектар замини фонди давлатии воқеъ дар ноҳияи Пешкуи вилояти Бухороро тавассути музояда ба даст меорад.
Ӯ гуфтааст, ки ин масъаларо бо кумаки шиносҳои мансабдораш ҳал мекунад ва аз як шаҳрванд – сокини ноҳияи Шофиркон 600 ҳазор доллари ИМА талаб намудааст.
Дар ҷараёни амалиёти фаврӣ, ки аз ҷониби кормандони Хадамоти давлатии амният ва Департаменти мубориза бо ҷиноятҳои иқтисодӣ гузаронида шуд, гумонбар ҳангоми гирифтани 230 ҳазор доллари ИМА ва 840 миллион сӯм ҳамчун далели шайъӣ боздошт гардид.
Муайян шудааст, ки шахси дастгиршуда қаблан низ чанд маротиба барои ҷинояти қаллобӣ суд шудааст. Нисбат ба ӯ бо моддаҳои дахлдори Кодекси ҷиноятӣ парвандаи ҷиноятӣ оғоз гардида, чораи пешгирӣ дар шакли ҳабс татбиқ шудааст. Тафтишот идома дорад.
