Ташаббуси кушодан ва муҷаҳҳаз кардани ин марказ ба Донишкадаи давлатии омӯзгории Андиҷон тааллуқ дорад, ки дар асоси меморандуми ҳамкорӣ бо донишгоҳи Чимкент шарикӣ ва мубодиларо ривоҷ дода истодааст, хабар медиҳад АИ “Дунё”.
Донишгоҳ ба номи Ҷумабек Ташенев дар Қазоқистон ягона донишгоҳест, ки барои донишҷӯён аз рӯи барномаҳои бакалаврӣ ва магистратура аз рӯи ихтисоси «Омӯзгорони забон ва адабиёти ӯзбек» таълим медиҳад.
Ифтитоҳи марказ як навъ тӯҳфа ба 25-умин солгарди таъсиси ин донишгоҳ аз ҷониби шарикони ӯзбекистонӣ буд.
Дар ифтитоҳи ин марказ, ки фаъолияташ ба наздикшавии фарҳангиву маънавии ду кишвари бародар, инкишоф додани ҳамкорӣ ва муносибатҳои дӯстона нигаронида шудааст, ректори ДДОА Бахтиёр Расулов ва сафири Ассамблеяи халқи Қазоқистон дар Ӯзбекистон, профессор Ҳулкар Ҳамроева саҳми бузург доранд. Ҷамъияти «Дӯстлик»-и ҷамъияти этнофарҳангии ӯзбекҳои Қазоқистон барои бо китоб ғанӣ гардонидани марказ ёрии калон расонд.
Ифтитоҳи ин марказ ба таҳкими муносибатҳои Ӯзбекистону Қазоқистон дар соҳаи маориф ва фарҳанг саҳм гузошта, онро ба сатҳи нави сифатӣ бардошта, бо мазмуни амалӣ пур намуд.
Марказ имкон медиҳад, ки фарҳанги миллӣ, адабиёт ва анъанаҳои Ӯзбекистонро дар Қазоқистон васеъ тарғиб намояд.
Ёдовар мешавем, ки дирӯз дар яке аз муассисаҳои таълимӣ ва илмии ҷаҳон – Донишгоҳи Оксфорд Маркази забони ӯзбекӣ ифтитоҳ ёфт, ки моҳи январи соли 2024 нахустин донишҷӯёни худро қабул мекунад.
