Ширкатҳои «Shifokor-82» (Ӯзбекистон) ва «Avantika Medex Pvt. Ltd.» (Ҳиндустон) дар ноҳияи Зомин дар масоҳати 11,5 гектар корхонаи муштарак бунёд мекунанд, ки ба истеҳсоли маҳсулоти тайёри фармасевтӣ тахассус ёфтааст, хабар медиҳад АИ «Дунё».

Дар чаҳорчӯби ин тарҳ 30 миллион доллари амрикоӣ маблағ, аз ҷумла 15 миллион доллар сармояи хориҷӣ истифода мешавад. Дар ин чо истеҳсоли воситаҳои дорусозӣ дар шакли хаб, капсула, инъексия, гел ва ғайра ба роҳ монда мешавад.

Ширкатхои «Shifokor-82» ва «Avantika Medex Pvt. Ltd.» солҳо боз ҳамкорӣ мекунанд. Муҳити мусоиди солҳои охир дар Ўзбекистон фароҳам овардашуда ва самаранокии ҳамкориҳои байналмилалӣ соҳибкорони ӯзбеку ҳиндиро водор кардааст, ки истеҳсоли доруҳои аз Ҳиндустон воридшавандаро дар кишвари мо азхуд кунанд.

Ба нақша гирифта шудааст, 70 дарсади маҳсулоти дар корхонаи муштараки нав тавлидшуда ба бозори хориҷӣ ва 30 дарсад ба бозори дохилӣ фиристода шавад.