Чорабиниҳое, ки аз ҷониби ҳукумати Ӯзбекистон ҷиҳати омодагӣ ва ташкил намудани мавсими «Ҳаҷ-2025» андешида шуданд, аз ҷониби Арабистони Саудӣ баҳои баланд гирифтанд, хабар медиҳад АИ «Дунё».

Омадани зоирони ӯзбек ба Арабистони Саудӣ барои анҷом додани ҳаҷ имсол аз 13 май оғоз ёфта, то 30 май идома ёфт. Бозгашти зоирон ба Ӯзбекистон бошад, аз 12 июн оғоз шуда, то 29 июн идома кард.

Бо мақсади баргардонидани зоирон ба Ӯзбекистон ҳар рӯз парвозҳои мустақим аз Фурудгоҳи байналмилалии подшоҳ Абдулазиз дар Ҷидда ба якчанд минтақаи кишварамон анҷом дода шуданд.

Бо таассуф бояд қайд кард, ки новобаста аз он ки ҳукумати Ӯзбекистон тамоми чораҳои заруриро барои таъмини саломатӣ ва амнияти зоирон андешид, инчунин бо сабаби рост омадани мавсими ҳаҷ ба давраи гармои сол, 4 ҳамватани мо, ки бемориҳои музмин доштанд, даргузаштанд.

Ғайр аз ин, дар ҷараёни ҳаҷ 4 шаҳрванди Ӯзбекистон, ки ба Арабистони Саудӣ ба таври ғайриқонунӣ омада буданд, бо вуҷуди огоҳии Идораи мусалмонон, ба ҳалокат расиданд. Ҳангоми истифодаи роҳҳои ғайрирасмӣ онҳо натавонистанд аз хидматрасониҳои тиббӣ истифода баранд ва, мутаассифона, ҳатто кӯмаки аввалияи тиббӣ ба онҳо расонида нашуд.

Зиёда аз 40 зоир дар робита ба гум кардани ҳуҷҷатҳо дар давраи ҳаҷ ба намояндагиҳои дипломатӣ муроҷиат карданд. Ба онҳо шаҳодатнома барои бозгашт ба Ӯзбекистон дода мешавад.

Консулгарии генералии Ӯзбекистон дар Ҷидда ба шаҳрвандони дар давраи ҳаҷ ба ҳолатҳои душвор рӯ ба рӯшудаи Ӯзбекистон тамоми ёрии зарурии консулӣ ва ҳуқуқиро расонда истодааст.