Намоишгоҳ бо ташаббуси муштараки бунёди TÜRKTAV ва ташкилоти "Heritage Turquoise" ташкил шудааст. Дар он Консули генералии Ҷумҳурии Туркия дар Самарқанд доктор Салих Жанер, проректор Донишгоҳи байналмилалии “Роҳи абрешим” Дилмурод Насимов, инчунин меҳмонон аз кишварҳое чун Италия, Эстония, Хорватия, Қазоқистон, Қирғизистон, рассомон ва олимони ҷаҳони турк иштирок намуданд.
Мақсади ин намоишгоҳ тавассути забони санъат баён кардани робитаҳои фарҳангӣ, санъати миллӣ ва мероси таърихиест, ки дар тӯли Роҳи абрешим ташаккул ёфтаанд. Дар он рангҳо, нақшу нигор ва анъанаҳои нодири рассомии халқҳои мухталиф ба таври ҳамоҳанг ба ҳам омадаанд.
Намоишгоҳ дар меҳмонон на танҳо ҳаловати зебоӣ, балки таваҷҷуҳи амиқ ба умумияти фарҳангӣ ва решаҳои таърихӣ ба вуҷуд овард.
Пас аз анҷоми чорабинӣ, асарҳои ба намоиш гузошташуда ба галереяи Art Station тақдим ва ба маҷмӯаи доимии он шомил карда мешаванд.
