Дар чорабинӣ аъзои Сенат, раисони Кумитаи Жокарғи Кенеси Ҷумҳурии Қароқалпоқистон оид ба қонуният, масъалаҳои суду ҳуқуқ ва мубориза бо коррупсия, комиссияҳои доимии Шӯроҳои маҳаллии вакилони халқии шаҳри Тошканд ва вилоятҳо оид ба масъалаҳои мубориза бо коррупсия ва амният, кормандони вазорату идораҳои масъул, инчунин намояндагони воситаҳои ахбори омма иштирок намуданд.

Дар ҷараёни шунидани ҷамъиятӣ маърӯзаҳои Вазорати иқтисод ва молия, Бонки марказӣ ва дигар ташкилотҳои масъул оид ба корҳои дар самти таъмини аҳолӣ бо манзили дастрас дар асоси субсидия анҷом додашуда шунида шуданд.

Сенаторон натиҷаҳои тадқиқоти анҷомдодаро, ки ба арзёбии хатари беинсофӣ ҳангоми додани субсидияҳои давлатӣ барои қарзҳои ипотекӣ бахшида шудааст, инчунин тавсияҳои дар асоси он пешниҳодшударо фаъолона баррасӣ карданд.

Такид гардид, ки густариши минбаъдаи соҳаи қарздиҳии ипотекӣ, аз ҷумла фароҳам овардани шароити зарурӣ барои рушди ташкилотҳои хусусии пудратӣ, ҷорӣ намудани механизмҳои нав барои дастгирии шахсоне, ки ба беҳтар кардани шароити манзилӣ ниёз доранд ва истифодаи оқилонаи захираҳои заминӣ муҳим аст.

Қайд гардид, ки ҳадафи асосии корҳои анҷомёфта қонеъ гардонидани ниёзи аҳолӣ ба манзил мебошад.

Дар рафти муҳокимаҳо андешаҳои олимон ва мутахассисони пешбар шунида шуданд.

Дар натиҷаи ҷаласа пешниҳодҳо ва тавсияҳо оид ба таъмини аҳолӣ бо манзил оммавӣ гардонда, қарор шуд, ки онҳо ба вазорату идораҳои масъул пешниҳод карда шаванд.