Ҷамъомади гурӯҳи корӣ таҳти раёсати иҷрокунандаи вазифаи раиси раёсати ҶС «Ӯзбекистан темир йуллари» X. Хосилов ба амал омад. Дар маҷлис вазири нақлиёти Ҷумҳурии Ӯзбекистон И. Маҳкамов нутқ эрод намуд. Инчунин дар он сафири Афғонистон дар Ҷумҳурии Ӯзбекистон ҷаноби А. Элмӣ ширкат варзид.
Ҷонибҳо аз нигоҳи рушди шарикӣ, тавсеаи имконоти мавҷуда, лоиҳаҳои ояндадор ва уфуқҳои нави ҳамкорӣ масъалаҳои таҷдиди инфрасохтори логистикии ҷонибҳо, суръат бахшидан ба интиқоли мол аз Қашғари Чин ба истгоҳи Хайратони Афғонистонро баррасӣ карданд.
Қобили зикр аст, ки ҷониби Афғонистон аз тамоми қарорҳои Гурӯҳи корӣ ҷонибдорӣ намуд. Дар муроҷиатҳои худ ба иштироккунандагони маҷлис сафири Афғонистон дар Ҷумҳурии Ӯзбекистон А. Элмӣ ва иҷрокунандаи вазифаи роҳбари раёсати роҳи оҳани Афғонистон А. Шарофат ба ҷониби Ӯзбекистон барои дастгирии ҳамаҷониба изҳори сипос намуд.
Бинобар ҷамъбасти мулоқот протоколи чорҷониба ба имзо расид.