Ба иттилои Вазорати экология, аз 10 сентябр то имрӯз кормандони сохторҳои дахлдор 26 ҳазору 900 воситаи нақлиётро санҷидаанд. Назорат дар постҳои ХРП, дар кӯчаҳои шаҳр, инчунин ҳангоми даромадану баромадани мошинҳо ба корхонаҳои автомобилӣ анҷом дода мешавад.
Аксияи «Ҳавои тоза» дар саросари кишвар мунтазам баргузор мегардад. Ҳадафи он таъмини иҷрои қонунҳои Ҷумҳурии Ӯзбекистон «Дар бораи ҳифзи ҳавои атмосфера» ва «Дар бораи назорати экологӣ», инчунин тақвияти назорати давлатии экологӣ дар самти ҳолати мошинҳои истифодашаванда мебошад.
Дар натиҷаи санҷишҳо дар шаҳри Тошканд 367 воситаи нақлиёт муайян карда шуд, ки партовҳои онҳо аз меъёрҳои иҷозатдодашуда зиёд аст. Нисбати ронандагоне, ки қоидаҳои экологиро дағалона вайрон карданд, мувофиқи Кодекси ҳуқуқвайронкунии маъмурӣ чораҳои ҷавобгарӣ татбиқ карда мешаванд.
Марҳилаи дуюми моҳи «Ҳавои тоза» дар пойтахт то 10 октябр идома хоҳад ёфт.
