Бинобар хабари агентии иттилоотии "Синхуа", Раиси ҶМЧ аз 4 то 6 феврал дар маросими ифтитоҳи Бозиҳои зимистонаи олимпии соли 2022 дар Пекин ширкат карда, ҳамчунин барои раҳбарони давлатҳои хориҷӣ, сарони ҳукуматҳо, аъзои хонаводаи шоҳон ва сардорони ташкилотҳои байналмилалӣ зиёфат медиҳад, хабар медихад АИ «Дунё».
Дар сафи меҳмонон сарони Русия, Ӯзбекистон, Қазоқистон, Қирғизистон, Тоҷикистон, Туркманистон, Миср, Лаҳистон, Аргентина, Сингапур, шоҳи Камбоҷа, амири Қатар, валиаҳди Арабистони Саудӣ ва раҳбарони чанд кишвари дигар, президенти Кумитаи байналмилалии олимпӣ Томас Бах, котиби генералии Созмони Милали Муттаҳид Антониу Гутерриш, директори генералии Созмони умумиҷаҳонии тандурустӣ Тедрос Гебрейесус низ ҳузур доранд.
Бозиҳои олимпӣ дар Пекин аз 4-ум то 20-уми феврал, Паралимпиада 4-13-уми марти соли ҷорӣ баргузор мешаванд.