Қабули дархостҳо барои қабул ба синфи 1 дар Ӯзбекистон аз 20 июн оғоз мешавад ва дар ду марҳила сурат мегирад:

Марҳилаи аввал: аз 20 июн то 31 июл — қабул намудани кӯдаконе, ки дар маҳалли ба мактаб алоқаманд, зиндагӣ мекунанд;

Марҳилаи дуюм: аз 1 то 15 август — қабул намудани кӯдакон аз дигар маҳалҳо.

Дар баъзе ноҳияҳо ва шаҳрҳо дархостҳо танҳо ба таври электронӣ тавассути хидматҳои давлатии онлайн қабул карда мешаванд.

Аз 20 июн падару модарон метавонанд тавассути платформаи Вазорати маорифи томактабӣ ва мактабӣ — my.maktab.uz, ё тавассути портали ягонаи хидматрасониҳои давлатии интерактивӣ — my.gov.uz сабти ном шаванд ва дархост пешниҳод кунанд. Дар ин ҷо ҳамчунин метавон маълумот гирифт, ки суроғаи зисти шумо ба кадом мактаб вобаста аст.

Дар минтақаҳое, ки ҳанӯз хидматрасониҳои давлатии электронӣ фаъол нестанд, маълумоти хонандагони қабулшуда тавассути системаи adm.maktab.uz ворид карда мешавад.

Вазорати маорифи томактабӣ ва мактабӣ хотиррасон мекунад, ки тибқи Қонуни «Дар бораи маориф», ба мактаб кӯдаконе қабул карда мешаванд, ки дар соли 2025 ба синни 7 мерасанд ё расидаанд.

Имсол ба синфи 1 кӯдаконе қабул карда мешаванд, ки то 31 декабри соли 2018, аз ҷумла дар ин рӯз таваллуд шудаанд.