Бар тибқи низомномаи муқарраршуда, раванди қабули хонандагон ба синфи 1 дар ду марҳила сурат мегирад:

Марҳилаи якум — аз 20 июн то 31 июл: қабули хонандагон аз минтақаи зист (микрорайон);

Марҳилаи дуюм — аз 1 то 15 август: қабули хонандагон аз дигар микрорайонҳо.

Қабули хонандагон ба синфи 1 дар баъзе ноҳияҳо ва шаҳрҳо дар шакли электронӣ тавассути портали хадамоти давлатӣ анҷом дода мешавад. Дар чунин ҳолат, волидайн метавонанд аз 20 июн ба қайд гирифта шуда, тавассути my.maktab.uz ариза пешниҳод намоянд.

Дар минтақаҳое, ки хадамоти давлатии электронӣ дастрас нестанд, маълумоти кӯдаконе, ки ба синфи 1 қабул мешаванд, аз ҷониби кормандони масъули мактабҳо ба системаи электронии Вазорат тавассути портали adm.maktab.uz ворид карда мешавад.

Вазорати таҳсилоти томактабӣ ва мактабӣ хотиррасон мекунад, ки тибқи Қонун «Дар бораи маориф», ба мактаб кӯдаконе қабул карда мешаванд, ки дар ҳамон сол ба синни 7-солагӣ мерасанд.

Аз ин рӯ, дар соли ҷорӣ ба синфи 1 кӯдаконе қабул карда мешаванд, ки на дертар аз 31 декабри соли 2018 таваллуд шудаанд.