Дар рафти маҷлис нозирон бо аъзоёни комиссияи ҳавза суҳбат карда, ба рафти тайёрӣ ба овоздиҳии пеш аз муҳлат ва рӯзи асосии интихобот баҳо доданд.
Роҳбари комиссияи ҳавза Ботир Усмонов ба нозирон хабар дод, ки тайёрӣ ба овоздиҳӣ мувофиқи нақшаи тақвимӣ давом дорад. Вай инчунин дар бораи ташкили кори комиссияи ҳавза сухан ронд. Ботир Усмонов таваҷҷуҳи нозиронро ба он ҷалб кард, ки дар 50 ҳавзаи интихоботии ин ноҳия низоми шиносоии биометрии интихобкунандагон ҷорӣ карда мешавад. Он барои баланд бардоштани шаффофияти интихобот ва тезонидани бақайдгирии интихобкунандагон пешбинӣ шудааст.
Сарвари комиссияи ҳавзавӣ ёдовар шуд, ки ин система дар раъйпурсии Қонуни асосӣ, ки 30 апрели соли 2023 дар Ӯзбекистон баргузор шуд, дар ҳолати тестӣ санҷида шуд.
Дар навбати худ роҳбари ситоди Миссияи нозирони ИДМ Евгений Козяк дар бораи кори нозирон оид ба назорати омодагӣ ва баргузории интихоботи пеш аз муҳлати президенти Ӯзбекистон сухан гуфт.
