Ин аввалин ин гуна лоиҳа мебошад, ки бо ташаббуси Маркази байналмилалии таҳқиқотии ба номи Имом Мотуридӣ амалӣ шудааст, хабар медиҳад АИ «Дунё».
Филм дар бораи таърихи бойи Ӯзбекистон ҳамчун маркази бузурги илм ва фарҳанг, инчунин дар бораи ислоҳоти асосие, ки бо ташаббуси Президенти Шавкат Мирзиёев дар соҳаи маърифат ва дин гузаронида мешаванд, нақл мекунад. Ҳамчунин дар он доир ба омӯзиши амиқ ва паҳнсозии мероси ғании илмӣ ва маънавии гузаштагони бузурги мо, фаъолияти пажӯҳишгоҳҳои илмӣ-таҳқиқотӣ дар Ӯзбекистони Нав маълумот дода мешавад.
Намоиши ин филм бешубҳа ба таҳкими ҳамкорӣ байни Ӯзбекистон ва Малайзия дар соҳаҳои илм ва фарҳанг мусоидат хоҳад кард. Инчунин, барои оммавӣ гардондани ислоҳоти васеъ, тағйироти мусбат, натиҷаҳои муҳим ва дастовардҳои илмии кишвари мо дар соҳаҳои мазҳабӣ ва таълимӣ дар миёни ҷомеаи Малайзия саҳм хоҳад гузошт.
