Аъзои дастаи мунтахаби Ӯзбекистон низ дар олимпиада фаъолона иштирок карда, шарафи Ватани моро сазоворона ҳимоя карданд, хабар медиҳад АИ "Дунё".
Математикони ҷавони Ӯзбекистон дар маҷмӯъ 17 медал ба даст оварданд — 4 медали тилло, 9 медали нуқра ва 4 медали биринҷӣ. Ин натиҷа бори дигар сатҳи баланди дониш ва омодагии истеъдодҳои ҷавони моро нишон дод.
Аз ҷумла, Ҷавоҳир Маматқулов, Азизбек Мамадҷонов, Абдулазиз Раҷабов ва Меҳмонбек Аманов бо медалҳои тилло сарфароз гардонида шуданд.
Дар Олимпиадаи соли гузашта дар Туркманистон дастаи Ӯзбекистон 9 медал гирифта буд. Дастовардҳои имсолӣ бори дигар иқтидори баланди кишвари моро дар соҳаи маориф ва пешрафти устувори ҷавонон дар рушди зеҳнӣ собит намуданд.
Ин мусобиқа инчунин ба таҳкими робитаҳои дӯстона миёни иштирокчиён ва мураббиён аз кишварҳои гуногун мусоидат намуда, як майдони муҳими мубодилаи дониш ва таҷриба гардид. Ҳамаи иштирокчиён барои сатҳи баланди ташкил, фароҳам овардани шароити бароҳат ва меҳмоннавозии гарми тарафи Туркманистон изҳори сипос карданд.
