Biroq bunday imkoniyat yaqin kelajakda paydo boʻlishi kutilmoqda. Bu haqda AKT vazirligi matbuot kotibi Sherzod Ahmatov AOKAda oʻtkazilgan brifingda maʼlum qildi.
“Ijtimoiy tarmoqlarda bu kabi gap-soʻzlarning tarqalishiga «Telekommunikatsiya xizmatlarini koʻrsatish qoidalarini tasdiqlash toʻgʻrisida”gi normativ-huquqiy hujjat Adliya vazirligida davlat roʻyxatidan oʻtkazilgani, hujjatga koʻra, mobil aloqa operatori oʻzgarganda raqamlari oʻzgarmay qolishi haqidagi xabarlar sabab boʻlgan.
Mazkur normativ hujjat joriy yil 31-iyul kuni qabul qilingan boʻlsa-da, 1-oktyabrdan kuchga kirishi belgilangan. Ammo hujjat kuchga kirdi degani, unda keltirilgan xizmatlar ham oʻsha zahoti kuchga kirishini anglatmaydi», — dedi Ahmatov.
