Shu yilning 28-sentyabridan beri Oʻzbekiston Respublikasi Bosh davlat sanitariya vrachi va milliy texnik immunologik ekspert komissiyasining qaroriga asosan, yurtimizda ota-onalar va vasiylarining roziligi asosida, ixtiyoriy ravishda 12 yoshdan katta bolalarni Pfizer vaksinasi bilan emlash olib borilmoqda.
27-oktyabr holatiga koʻra, yurtimizda 176 791 nafar 12 yoshdan 18 yoshgacha boʻlgan bolalar Pfizer vaksinasi bilan ixtiyoriy ravishda emlandi.
Xususan, bolalarni koronavirusga qarshi emlash jarayoni Fargʻona (37 395 doza), Namangan (34 479 doza), Andijon (22 502 doza) viloyatlarida yuqori ekani ahamiyatli.
Mutaxassislar xulosasiga koʻra, OIV, bezgak va tuberkulyozga qarshi yanada samarali emdorilar yaratish boʻyicha izlanishlarni davom ettirish kerak. Chunki xuddi shu xastaliklar tufayli yiliga 2,5 million kishi hayotdan koʻz yummoqda.
Yurtimizda Milliy profilaktik emlash kalendari joriy etilgan. Unga koʻra, bugungi kunda bolalar 13 turdagi yuqumli kasalliklar — virusli gepatit V, sil, poliomiyelit, rotavirus infeksiya, boʻgʻma, qoqshol, koʻkyoʻtal, Xib infeksiya, qizamiq, epidparotit, qizilcha, pnevmokokk infeksiya, VPCH-odam papilloma viruslariga qarshi rejali tarzda emlanadi.
Koronavirusga qarshi emlash rejalashtirilgan aholining 83,3 foizi toʻliq vaksinatsiya bilan qamrab olindi. Buster doza bilan emlash qamrovi 81,4 foizga yetkazildi. Gripp kasalligiga qarshi esa 2,3 mln nafar aholi emlandi.
Bugun yurtimizda koronavirus infeksiyasi bilan bogʻliq vaziyat barqaror. Biroq Shimoliy va Janubiy Amerika, Yevropa va Sharqiy Osiyo mintaqalarida joylashgan qator mamlakatlardagi epidemiologik holat hanuz murakkabligicha qolmoqda.
