9-may kuni O‘zbekiston hududining katta qismida ob-havo nobarqaror bo‘ladi, deb xabar beradi O‘zgidrometeorologiya markazi.
Ayrim joylarga yomg‘ir, kuchli yomg‘ir yog‘ishi, momaqaldiroq bo‘lishi mumkin. Kunduzgi harorat 21-26 darajagacha pasayadi.
Bugun va ertaga mamlakat hududida shamolning tezligi sekundiga 15-20 metrgacha, shiddat bilan esganda 23-28 metrgacha kuchayishi mumkin.
10-mayda yog‘ingarchilik to‘xtaydi, faqat Andijon, Namangan, Farg‘ona viloyatlarida kechasi va ertalab ayrim joylarga yomg‘ir yog‘ishi, momaqaldiroq bo‘lishi mumkin, kunduzi yog‘ingarchilik bo‘lmaydi. Harorat 3-5 darajaga ko‘tariladi.
