2021-yil 15-iyul Oʻzbekiston Respublikasi Tashqi ishlar vaziri Abdulaziz Kamilov Toshkent shahriga rasmiy tashrif hamda “Markaziy va Janubiy Osiyo: mintaqaviy bogʻliqlik. Tahdidlar va imkoniyatlar” mavzusidagi yuqori darajali xalqaro konferensiyada ishtirok etish uchun kelgan Xitoy Xalq Respublikasi Davlat kengashi aʼzosi, Tashqi ishlar vaziri Van I bilan uchrashdi.
Tashqi siyosat idoralari rahbarlari Oʻzbekiston — Xitoy har tomonlama strategik sherikligining hozirgi holati va uni yana-da chuqurlashtirish istiqbollarini muhokama qildi.
Uchrashuv yakunida Oʻzbekiston va Xitoy Tashqi ishlar vazirliklari oʻrtasida 2021-2022-yillarga moʻljallangan hamkorlik dasturi imzolandi, deb xabar beradi Tashqi ishlar vazirligi matbuot xizmati.
