Ushbu buyruq bilan quyidagilar:
Bitiruvchilarga yo'llanma berish bo'yicha tanlovni tashkil etish va o'tkazish;
bitiruvchilar maxsus komissiyaga yo'llanma berishni so'rab onlayn platforma orqali murojaat qilish;
tanlov natijalari bo'yicha berilgan apellatsiya berish va uni ko'rib chiqish;
bitiruvchilarning yo'llanma olish uchun minimal talablarni tasdiqlovchi hujjatlarini 100 ballik tizimda baholash mezonlari;
avtomatik ravishda onlayn platforma orqali oliy ta'lim tashkilotlari kesimida taqsimlash kabi bir qator tartiblar belgilangdi;
Yo'llanmalar quyidagi minimal talablarni bajargan bitiruvchilarga beriladi:
kunduzgi ta'lim shaklida o'qigan bitiruvchilar:
har bir fan bo'yicha o'zlashtirish ko'rsatkichi reyting natijalari bo'yicha 71 va undan ortiq foizni tashkil qilishi;
chet tilini B2 va undan yuqori darajada bilishini tasdiqlovchi amaldagi davlat malaka sertifikatiga yoki xalqaro sertifikatga ega ekanligi;
ma'naviy-ma'rifiy va jamoat ishlari, loyihalar va tanlovlarda faol ishtirok etishi, shaxsiy yutuqlar mavjudligi;
ichki tartib-qoidalarga, odob-axloq qoidalariga rioya etishi va namunali xulq-atvorga egaligi;
sirtqi yoki masofaviy ta'lim shakllarida o'qigan bitiruvchilar:
umumiy o'zlashtirish ko'rsatkich reyting natijalari bo'yicha 85 va undan ortiq foizni tashkil qilishi kerak;
chet tilini B2 va undan yuqori darajada bilishini tasdiqlovchi amaldagi davlat malaka sertifikatiga yoki xalqaro sertifikatga ega ekanligi;
ichki tartib-qoidalarga, odob-axloq qoidalariga rioya etishi va namunali xulq-atvorga egaligi.
Adliya vazirligi
Jamoatchilik bilan aloqalar bo'limi
