Afgʻonistonga yuborilgan insonparvarlik yordami tarkibida nimalar borligi maʼlum qilindi

Xalqaro hamkorlik 30 apr 2022, 13:33 1 623

Ramazon hayiti munosabati bilan bugun Oʻzbekiston Respublikasining birodar afgʻon xalqiga 58 ta vagondan iborat oziq-ovqat, dori-darmon va kiyim-kechak ortilgan navbatdagi insonparvarlik yordami ezgulik poyezdida Termiz shahridagi “Ayritom” chegara oʻtkazish punkti orqali qoʻshni mamlakatga joʻnatilgani haqida maʼlum qilingandi.

Afgʻonistonga yuborilgan insonparvarlik yordami tarkibida quyidagilar oʻrin olgan:

▫️16 ta vagonda 1000 tonna un maxsuloti;
▫️5 ta vagonda guruch mahsuloti
▫️1 ta vagonda 12 ming dona ikra;
▫️1 ta vagonda 9679 quti shokolad, pechenye;
▫️1 ta vagonda 16 156 banka murabbo;
▫️1 ta vagonda 70 000 qadoqda dori-darmon;
▫️1 ta vagonda 100 ming dona vaksina, 100 ming dona kovid-test, 20 ming dona kiyim-kechak, 10 tonna yogʻ;
▫️2 ta vagonda 6600 quti lapsha mahsuloti;
▫️1 ta vagonda 103 716 dona dori-darmon;
▫️29 ta vagonda 2000 tonna bugʻdoy.

Ayni vaqtda mazkur jarayonlarni viloyat hokimligi Axborot xizmati, AOKA viloyat boshqarmasi hamda markaziy va mahalliy ommaviy axborot vositalari vakillari yoritib borishmoqda.