Ali Qushchining AQSHdagi qo'lyozmalari haqida bilasizmi?

Bilasizmi? 19 dek 2022, 11:40 1 564

Zaminimizda yashab oʻtgan buyuk ajdodlarimizning ulkan salohiyati, boy maʼnaviy merosini bugun dunyo hamjamiyati ham tan olayotgani rost. Ularning mashaqqati ila dunyoga kelgan ilmiy asarlar, qoʻlyozmalar va kitoblar koʻplab chet mamlakatlarda ham saqlanayotgani buning dalilidir.

Xususan, ulugʻ tarixiy shaxs Ali Qushchining qoʻlyozmalari AQSHda ham saqlanyapti.

“Risola dar ilmal-hayʼa” (Astronomiya ilmi risolasi). Samarqandda 1458-yilda fors tilida yozilgan bu asar madrasalarda darslik vazifasini oʻtagan. Ali Qushchi 1473-yilda bu asarini arab tilida qayta ishlab, kengaytirgan va uni “al-Fathiya fi ilm al-hayʼa” deb nomlagan. U turk, fors tillariga ham tarjima qilingan.

Prinston universiteti kutubxonasidagi qoʻlyozmalar:

1.(Islamic Manuscripts, New seriesno1261). Nuqsonli qoʻlyozma, 1218 (1803) yilda koʻchirilgan.

2. (Islamic Manuscripts, New seriesno 251). Qoʻlyozma bir nechta risoladan iborat toʻplam. Risola dar al-hayʼa uning 37b-466 varaqlarida. Koʻchirilgan sanasi va joyi aniq emas.

3. (Islamic Manuscripts, New seriesno.1555). Asar katalogda Kitob-i ilm-i nujum nomi ostida qayd qilingan. Taxminan XV- XVI asrlarga oid qoʻlyozma.