Bugun, soat 10:30larda “Qamchiq” Maxsus qidiruv, yongʻin-qutqaruv boshqarmasiga “Angren – Pop” elektrlashtirilgan temir yoʻlining 71-kilometri va A-373-avtomobil yoʻli “Toshkent – Vodiy” yoʻnalishining 232,2-kilometrida yoʻl chetiga tosh-tuproq massasi tushgani boʻyicha xabar kelib tushgan.
FVVning “Qamchiq” MQYOQB qutqaruvchilari va tegishli tashkilot xodimlari zudlik bilan voqea joyiga yetib borib, vaziyatni oʻrgandi.
Hozirda hududlarda vaziyat oqibatlarini bartaraf etish tadbirlari olib borilmokda.
Shuningdek, yogʻingarchilik mavsumini betalofat oʻtkazish maqsadida dovon yoʻlida qoʻshimcha yana 3 ta mexanizatsiyalashtirilgan post tashkil etildi, deya xabar beradi FVV axborot xizmati.
Uzbekistan Airways oʻrta maxsus, kasb-hunar va oliy taʼlim muassasalari talabalari va oʻquvchilari uchun barcha mahalliy aviaqatnovlarga ekonom-klass tariflariga 50 foizgacha chegirmalar eʼlon qildi.
Toshkent yer osti metrosining “Oʻzbekiston”, “Mashinasozlar”, “Gʻafur Gʻulom” va “Milliy bogʻ” bekatlarining bir tomonlama kirish qismida amalga oshirilgan texnik yangilash ishlari yakunlandi.
Toshkent metropolitenida 2025-yil 9-dekabrdan boshlab jami 16 ta kassa faoliyati toʻxtatiladi. Bu choralar toʻlov tizimida shaffoflikni oshirish, xizmat koʻrsatish sifatini yaxshilash va elektron toʻlovlarni kengaytirish maqsadida koʻrilmoqda.
