“COVID-19 virusi, ehtimol, Xitoyning Uxan shahridagi laboratoriyadan kelib chiqqan”, deyiladi AQSh Vakillar palatasi nazorat qo'mitasining koronavirus bo'yicha quyi qo'mitasi tomonidan e'lon qilingan hisobotda.
Qonun qabul qiluvchilar o'zlarining pozitsiyalarini qo'llab-quvvatlash uchun beshta dalil keltirishdi va virus tabiatda topilmagan biologik xususiyatlarga ega ekanligini ta'kidlashdi, go'yoki barcha COVID-19 holatlari odam organizmiga bir marta ta'sir qilish oqibatida yuzaga keladi, garchi oldingi pandemiyalarda tarqalish bilan bog'liq bir nechta holatlar yuz bergan bo'lsa ham.
Bundan tashqari, kongressmenlar Uxanda SARS viruslarini o'rganish bo'yicha etakchi tadqiqot laboratoriyasi mavjudligini ta'kidlashdi, qonun chiqaruvchilarning so'zlariga ko'ra, u “biologik xavfsizlikning yetarli darajada emasligi” bo'yicha tadqiqotlar o'tkazgan.
“Uxan virusologiya instituti (WIV) tadqiqotchilari 2019-yilning kuzida, COVID-19 yovvoyi hayvonlar bozorida aniqlanishidan bir necha oy oldin, COVID-19 ga o'xshash virus bilan kasallanishgan. Fanning barcha standartlari bo'yicha, tabiiy kelib chiqqani bo'yicha agar dalillar mavjud bo'lganda, ular allaqachon paydo bo'lgan bo'lar edi”, deb xulosa qildi hisobot mualliflari.
Sentabr oyida amerikalik va yevropalik olimlar Xitoyning Uxan shahridagi dengiz mahsulotlari bozori koronavirus tarqalishining o'chog'iga aylanganini Amerikaning Cell ilmiy jurnalida chop etilgan maqolada isbotlashga muvaffaq bo'ldi.
Olimlarning fikricha, Uxandagi bozorda koronavirus bilan kasallangan sutemizuvchilar ham sotilgan. Bularga sivetlar (sut emizuvchilar turkumi), bambuk kalamushlar va enotsifat itlar kiradi. Yig'ilgan namunalardan hayvonlarning haqiqatan ham kasal bo'lganligi aniqlandi. Qolaversa, ushbu jonivorlar noqonuniy ravishda sotilgan peshtaxtalarning aksariyati bozorning g'arbiy qismida joylashgan bo'lib, bu yerda kasallikning birinchi holatlari qayd etilgan.
2019-yilning 31-dekabr kuni Xitoy hukumati JSSTni mamlakatning markaziy qismidagi Uxan shahrida (Xubey viloyati) noma'lum pnevmoniya avj olgani haqida ma'lum qildi. Bundan tashqari, birinchi holatlar qandaydir tarzda mahalliy dengiz mahsulotlari bozori bilan bog'liq edi. 2020-yil yanvar oyi boshida Xitoyda kelib chiqishi noma'lum bo'lgan virusli pnevmoniya epidemiyasining sababi koronavirusning yangi turi ekanligi rasman e'lon qilingandi. 2020-yil 11-mart kuni JSST rahbari Tedros Adanom Gebreisus yangi koronavirusning tarqalishi pandemiya xususiyatiga ega ekanligini ma'lum qilgan edi, deb xabar beradi ria.ru.
