Buxoro shahri I.Karimov ko'chasida istiqomat qiluvchi fuqaro G.X. 2019 yil sentyabr` oyida "Bobkent qurilish servis" MCHJga qarashli zamonaviy ko'p qavatli  uylardagi xonadonlardan birini xarid qilish maqsadida tashkilot rahbari bilan  shartnoma tuzib, oldindan naqd pul to'lagan. SHartnoma talablariga asosan, uy 2021 yil mart oyida topshirilishi kerak bo'lgan. Ammo 2020 yil 27 fevral` kuni MCHJ rahbariyati tomonidan fuqaro chaqirilib, shartnoma muddati o'zgartirilgan. SHartnoma yangi tuzilgan bo'lsa-da, haligacha uy qurilishi boshlanmayotganidan norozi bo'lgan iste'molchi 2020 yil 20 iyulda Buxoro shahar iste'molchilar huquqlarini himoya qilish jamiyatiga og'zaki murojaat qilgan. Ushbu murojaat yuzasidan jamiyat xodimlari tomonidan o'rganish olib borib, haqiqatan ham iste'molchining huquqi poymol qilinganini aniqladi. Jamiyat tomonidan iste'molchining 70 000 000 so'm naqd puli qaytarib olib berildi.