Bayram kuni yomgʻir yogʻsada, havo iliq boʻlishi kutiladi

Toshkent viloyatida kunduzi biroz yomgʻir yogʻishi mumkin. Navoiy viloyatining shimolida biroz yogʻingarchilik (yomgʻir, qor) boʻladi, respublikaning qolgan hududlarida yogʻingarchilik kutilmaydi. Kechasi kuchsiz sovuq saqlanib turadi, kunduz kuni harorat 10-15^o iliqgacha koʻtariladi.

22-martda Oʻzbekiston boʻyicha yogʻingarchilik kutilmaydi, faqat Fargʻona vodiysi viloyatlarida biroz yomgʻir yogʻadi. Havo harorati kechasi 0-5^o iliqni, kunduzi 10-15^o iliqni tashkil etadi.

23-martda Oʻzbekiston hududiga Volga boʻyi hududlaridan yana nam va sovuq havo kirib kelishi kutilmoqda, respublika boʻyicha baʼzi joylarda yomgʻir yogʻadi, faqat shimolda yogʻingarchilik kutilmaydi. Kunduz kungi harorat 4-9^o iliqgacha pasayadi.

Ushbu kunlarda respublikaning togʻli hududlarda qor koʻchishi xavfi bor, deb xabar beradi Oʻzbekiston gidrometeorologiya xizmati markazi.