Energetika vazirligi matbuot xizmatiga koʻra, respublika va hududiy ishchi guruhlar tomonidan joylarda energiya resurslarini talon-toroj qilishning oldini olish yuzasidan nazorat tadbirlari olib borilmoqda.
2023-yilning oʻtgan davri mobaynida Qashqadaryo viloyatida joylashgan 15 ta gaz taqsimlash punkti va stansiyasida oʻtkazilgan oʻrganishlar davomida suyultirilgan gazni qabul qilish va yetkazishda noqonuniy holatlar maʼlum boʻldi.
Dastlabki hisob-kitoblarga koʻra, 22,9 milliard soʻmlik (4 794 tonna) suyultirilgan gaz asoslantiruvchi hujjatlarsiz, noqonuniy ravishda talon-toroj qilingan.
Aniqlangan holatlar yuzasidan huquqni muhofaza qiluvchi organlar tomonidan qoʻshimcha ravishda tekshirish ishlari olib borilmoqda.
Tekshirish natijalaridan kelib chiqib qoʻshimcha axborot beriladi.