Yuqorida qayd etilgan davrda sementning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 566,5 ming so‘mdan 556,5 ming so‘mgacha, ya’ni 1,8 foizga pasaygan.
Hafta boshida savdolar sementning bir tonnasiga o‘rtacha 566 ming so‘m xarid narxi bilan boshlangan, 23 oktyabr kuni 1 tonna sementning o‘rtacha xarid narxi 556 ming so‘mgacha arzonlashgan. Haftaning ilk to‘rt ish kunida sementga xaridorlar soni ko‘paygan, ish haftasining oxirida xaridorlar 67 ga kamayib, yakunda 506 ta sub’ekt birja savdosida xaridorga aylangan.
Oktyabr oyi boshida sementning bir tonnasi birjada o‘rtacha 608 ming so‘mga sotilgandi. 23 oktyabrdagi xarid narxi (556 ming so‘m) hozircha qurilish mavsumining so‘nggi bosqichida ko‘rsatilgan eng maqbul narx bo‘lib qolmoqda.