Uning so'zlariga ko'ra, ayni paytda ular ittifoqning sharqiy qanotida mudofaani kuchaytirish uchun ittifoqchilarga qanday resurslar jo'natish kerakligini muhokama qilmoqda.
Bloomberg manbasining aytishicha, ular “siyosiy javob” berishni ham rejalashtirmoqda. Xususan, bir kun avval NATO bosh kotibi Mark Rutte va NATOning boshqa yetakchilari Polshaga uchuvchisiz uchoq hujumida ishtirok etgan deb hisoblagan Rossiya harakatlarini qoralagan edi.
Ittifoqchi qo'shinlarning Yevropadagi oliy qo'mondoni Aleksus Grinkevichga harbiy masalalarni muvofiqlashtirish topshirildi. Uning so'zlariga ko'ra, alyans dron hodisasi qasddan sodir etilganmi yoki baxtsiz hodisami, hozircha aniqlamagan.
Polsha rasmiylarining ta'kidlashicha, uchuvchisiz uchoqlarning Polsha havo hududiga kirishi NATO va Yevropa Ittifoqiga hujum qilish bilan barobar. Varshavaning iltimosiga ko'ra, ittifoq mamlakatlari blok a'zolaridan birining hududiy yaxlitligi buzilgan taqdirda maslahatlashuvlar o'tkazishga chaqiruvchi 4-moddaga asoslanishdi. Polsha, shuningdek, ittifoqchilaridan qo'shimcha havo mudofaa tizimlari va boshqa harbiy yordam so'radi. Buyuk Britaniya va Fransiya, xususan, Polsha tomoniga Eurofighter va Rafale qiruvchilarini, Chexiyaga uchta Mi-17 vertolyotlarini, Shvetsiya havo hujumidan mudofaa tizimlarini yuborishni taklif qildi, deb xabar berdi kommersant.ru.
