Uning so‘zlari “Mamlakat siyosati” Telegram-kanalida e’lon qilindi.
“Men yana bir necha yil boks bilan shug‘ullanishni rejalashtirmoqdaman. Keyin esa davlat uchun ishlash rejalarim bor”, dedi u.
Usik birinchi og‘ir va og‘ir vazn toifalarida jang olib boradigan, yengilmas ukrainalik professional bokschi va 2012-yilgi Olimpiya chempioni.
2025-yil iyul oyida Jahon boks tashkiloti (WBO) Usikka majburiy raqib Yangi Zelandiyalik Jozef Parker bilan jang qilishni buyurdi va unga muzokaralar olib borish uchun 30 kun vaqt berdi. Bokschining jamoasi bel jarohati tufayli 90 kunlik kechiktirishni so‘radi. Avgust oyida ijtimoiy tarmoqlarda Usikning raqsga tushayotgan videosi paydo bo‘ldi. O‘sha oyda u xayriya jangida ishtirok etdi. Ukraina jamoasining fikriga ko‘ra, bularning hech biri bokschining ringga chiqishga tayyorligini ko‘rsatmadi va tibbiy tavsiyalarga zid kelmadi. Sentyabr oyida WBO Usikning chempionlik himoyasi bo‘yicha muzokaralar olib borish muddatini uzaytirdi.
Noyabr oyida Usik WBO chempionlik kamaridan voz kechgani e’lon qilindi, deb xabar berdi gazeta.ru.
