Oliy Majlis huzuridagi Nodavlat va notijorat tashkilotlarni va fuqarolik jamiyatining boshqa institutlarini qo'llab-quvvatlash jamoat fondi Respublika Ma'naviyat va ma'rifat markazi “Ma'rifat” targ'ibotchilar jamiyati tashabbusi bilan 1-iyun — "Xalqaro bolalarni himoya qilish kuni" munosabati bilan "Ma'naviyat festivali" doirasida joriy yilning 5-6 iyun kunlari "Anhor park"ida "Baxtli bolalik" , "Bolalarga ma'rifat ulashib", "Ma'rifat tur" loyihalari o'tkazilishi belgilangan. 
"Ma'rifat tur" loyihasida Toshkent shahri, Sirdaryo va Toshkent viloyatida “Temir daftar”ga kiritilgan ijtimoiy ko'makka muhtoj oilalarning bolalari ishtirok etib, ularga tashkilotchilar tomonidan sovg'alar beriladi. 
 “Bolalarga ma'rifat ulashib” loyihasi doirasida bolalar ma'naviyatini yanada yuksaltirish, dunyoqarashini kengaytirishga qaratilgan kitoblar ko'rgazmasi, yurtimizdagi ilm, fan, san'at va madaniyat vakillari hamda “Ma'rifat” targ'ibotchilar jamiyati a'zolari ishtirokida uchrashuvlar bo'lib o'tadi. Shuningdek, hunarmandchilik mahsulotlari namoyishi, "Estafeta musobaqasi", "Quvnoq sirk" tomoshasi, istedodli bolalar ishtirokida konsert namoyish etiladi.