Bosh vazir oʻrinbosari Shuhrat Gʻaniyev viloyatda qishloq xoʻjaligi sohasida olib borilayotgan ishlar va bahorgi ekin ishlariga tayyorgarlikni koʻzdan kechirish maqsadida bir necha kundan buyon Qashqadaryoda boʻlib turibdi.
Bu haqda Qashqadaryo viloyati hokimligi axborot xizmati maʼlum qildi.
Shuningdek, Bosh vazir oʻrinbosari Qarshi tumanida 17 ming dona mevali daraxt koʻchatlarini aholi xonadonlariga ekishga viloyat hokimi va Qarshi tumani hokimi bilan oʻzi bosh-qosh boʻlmoqda. Yana 30 ming dona koʻchat olib kelinib, aholi xonadonlariga tarqatila boshlandi.
