Boshqa rusmdagi avtomobil dvigatellari o'rnatilgan avtomashinalar egalariga nisbatan qonuniy chora ko'rildi

Mamlakatimizda 31 mart 2022, 12:17 2 646

Joriy yilning 27 mart kuni Piskent tumanida xizmat olib borayotgan YPX inspektorlari hujjatlarni tekshirish maqsadida 1991 yilda tug'ilgan fuqoro A.T boshqaruvidagi “Neksiya 2” rusumli, 1995 yilda tug'ilgan fuqoro U.N boshqaruvidagi “Vaz 2101” rusumli, 2000 yilda tug'ilgan fuqoro K.R boshqaruvidagi “Vaz 2106” rusumli transport vositalarini to'xtatishdi.

Tekshiruv davomida ushbu transport vositalarining dvigatellari avtomobillarga tegishli emasligi, qo'shimcha jihozlar o'rnatilgani va shovqin darajasi yuqoriligi aniqlandi.

Shundan so'ng haydovchilarga ma'muriy bayonnoma rasmiylashtirilib, avtoulovlar vaqtinchalik jarima maydoniga joylashtirildi.

Qayd etish lozimki, haydovchilar avtomobillariga Vazirlar Mahkamasining 2020 yildagi 758-sonli qarori asosida ruxsatnoma olmay turib, boshqa turdagi dvigatellar o'rnatish taqiqlanadi.

Toshkent viloyati hokimligi

Axborot xizmati