"Embraer – jahon aviatsiya bozorida o‘zini yaxshi tomondan ko‘rsatgan mintaqaviy samolyotdir. Ishlab chiqaruvchi doimiy ravishda muhim mezonlar – ekologik tozalik, samaradorlik va shovqin darajasiga e’tibor berib, yangi samolyot modifikatsiyalari ustida ishlayotganidan xursandmiz. Bugun biz O‘zbekiston aviatsiya sohasi haqiqiy yuksalishni boshdan kechirayotgan tarixiy lahzaning guvohi bo‘lamiz. O‘tgan yil davomida bir vaqtning o‘zida bir nechta yangi mahalliy aviakompaniyalar ochildi, yangi turdagi samolyotlar paydo bo‘ldi. Bu ichki va tashqi turizmni rivojlantirish uchun kuchli turtki bo‘lmoqda. Bu voqeani global konglomerat tashabbus ko‘rsatib, mamlakatimizga ko‘rgazmali gastrol safari bilan kelgan, uning davomida mahalliy aviatashuvchilar yangi turdagi samolyotlar bilan tanishishlari, o‘zlarini qiziqtirgan barcha savollarni berishlari, eng muhimi, sinov parvozlarida ishtirok etgan, O‘zbekiston uchun misli ko‘rilmagan hodisa deb atash mumkin", – dedi “Uzbekistan Airports” AJ boshqaruvi raisi Ra’no Jo‘rayeva.
Embraer E195-E2 O‘zbekistonda issiq iqlim va tog‘li hududlarda mahalliy aviakompaniyalarga parvoz samaradorligini ko‘rsatish uchun ikki kunlik sayohat bilan debyut qildi. Toshkent — Samarqand — Toshkent yo‘nalishi bo‘yicha parvozlar samolyot O‘zbekistonning geografik va ob-havo sharoitlariga yaxshi bardosh berishini ko‘rsatdi.
