Markaz ushbu mavzudagi savolga quyidagicha javob berdi.

Yoʻq, bu joiz emas. Toʻgʻri, ChatGPT platformasi ayrim sohalarda insonlarga foyda bermoqda. Ammo diniy savollarga toʻgʻri javob berishga ojizlik qiladi. Chunki u ham inson omili tomonidan ishlab chiqilgan bir mahsulot. Qolaversa, baʼzan savollarga taxminiy javoblar, hatto bu masala falon kitobda bor deb, arabiy iboralar ham berishi mumkin. Lekin u keltirgan iboralar na u aytgan kitobda va na boshqa fiqhiy manbalarda uchramaydi. Shu bois sharʼiy masalalarga ahli ilm, mutaxassislarga murojaat qilish orqali yechim topish darkor, — deyiladi markaz javobida.

Markaz musulmon odam biror narsani bilmay qolsa, uni biladigan kishidan, oʻsha sohaning “zikr ahli“dan oʻrganishi lozim ekanini qayd etdi.

Shunday ekan, eʼtiqod va dinu-diyonatga tegishli narsalarni ham shu sohaning bilimdonlaridan soʻrash talab etiladi, — deyiladi Fatvo markazi javobida.