Boʻstonliq tumani Tovoqsoy qoʻrgʻoni “Yoshlik” mahallasida joylashgan uylardan biridagi chuqurga fuqaro ehtiyotsizlik oqibatida tushib ketdi.
Bu haqdagi xabar Toshkent viloyati Boʻstonliq tumani Gʻazalkent shahar FVBga shu yilning 2-oktyabr kuni soat 21:45 da kelib tushadi.
Xabarga asosan FVV qutqaruvchilari zudlik bilan joyiga yetib borib, zaruriy qutqaruv anjomlari yordamida fuqaroni chuqurdan chiqarib olgan va birinchi yordam koʻrsatilgan.
Hozirda fuqaroning ahvoli yaxshi va shifokor nazoratida.
Havo haroratining keskin oʻzgarishi, kunlarning sovishi issiqlik taʼminoti — isitish jihozlariga boʻlgan ehtiyojni oshiradi. Zero, isitish manbalaridan notoʻgʻri foydalanish oqibatida is gazi bilan bogʻliq koʻngilsiz hodisalar, eng achinarlisi, favqulodda vaziyatlar yuzaga kelib, insonlar qurbon boʻlishi mumkin.
Shu yilning 19-oktyabr kuni Fargʻona viloyati, Toshloq tumani “Naymanboʻston” MFYda yashovchi fuqaroning boshqaruvida boʻlgan “Damas” rusumli transport vositasi ehtiyotsizlik oqibatida Fargʻona kanaliga tushib ketganligi haqida FVBga xabar tushdi.
