Dam olish kunlarida salqin havo boʻladi!

Mamlakatimizda 9 iyl 2021, 14:37 623

Kecha respublikamizning shimoliy hududlariga Kavkazdan antitsiklon taʼsiri ostida salqin havo oqimlari kirib keldi. Natijada havo haroratining biroz pasayganligi kuzatildi. Bugun bu jarayon respublikamizning markaziy hududlariga ham oʻz taʼsirini koʻrsatadi.

Koʻpchilik viloyatlarimizda quruq va kam bulutli ob-havo kuzatiladi, faqat Ustyurtda kunning ikkinchi yarmida, Toshkent viloyatida kechga tomon qisqa muddatli yomgʻir yogʻishi, momaqaldiroq boʻlishi ehtimoli bor. Havo harorati 35-40^o, baʼzi joylarda 42 gacha, Surxondaryo viloyatida 44-46^o, shimolda 28-33^o ni tashkil etadi.

Yurtimizdan salqin havo frontlari oʻtishi oqibatida baʼzi joylarda shamolning tezligi 15-20 m/s gacha kuchayishi mumkin. Bugun va ertaga changli boʻron bilan birga 25-30 m/s gacha kuchayishi kutilmoqda.

Dam olish kunlarida nisbatan salqin havo oqimlari yurtimizning barcha hududlarini butunlay qamrab oladi, havo harorati kechalari 20-25^o, kunduz kunlari 32-37^o, janubda baʼzi joylarda 39^o gacha atrofida boʻladi.

Respublikamizning togʻoldi va togʻli hududlarida momaqaldiroq bilan qisqa muddatli yomgʻir yogʻishi ehtimoli bor, deb xabar beradi Oʻzbekiston Respublikasi gidrometeorologiya xizmatlari markazi.

#Ob-havo